Ny regjering utnemnd
Hans Majestet Kongen utnemnde i statsråd i dag ny regjering og Jonas Gahr Støre til Noregs nye statsminister.
Kongen har ei viktig konstitusjonell rolle ved regjeringsskifte. Formelt var det Kong Harald som gav Støre i oppdrag å danne ei ny regjering, da tidlegare statsminister Erna Solberg leverte avskjedssøknaden sin tysdag denne veka.
Regjeringa Støre møter Kongen og Kronprinsen i sitt første statsråd på Slottet. Foto: Håkon Mosvold Larsen / NTB
Den avtroppande regjeringa fungerte som forretningsministerium med avgrensa autoritet inntil den nye regjeringa var på plass.
I løpet av dagen er det vorte halde to statsråd på Slottet.
Regjeringa Solberg kom til sitt siste statsråd med Kong Harald og Kronprins Haakon klokka 10 i dag. Under statsrådsmøtet vart ny statsminister og nye regjeringsmedlemmer utnemnde med verknad frå klokka 12.00 i dag. Dette var regjeringa Solbergs siste embetshandling med Kongen i Statsråd.
Regjeringa Solberg møter kongen til sitt siste statsråd på Slottet. Under statsrådet utnemner den avtroppande regjeringa ny statsminister og nye regjeringsmedlemmer. Foto: Håkon Mosvold Larsen / NTB
Rett før klokka 12 i dag kom den nye regjeringa til Slottet for sitt første statsråd. Under dette statsrådsmøtet vart dei forskjellige departementa formelt fordelte mellom regjeringsmedlemmene. Vidare vart ei rekkje statssekretærar utnemnde av Kongen i Statsråd.
Den nye regjeringa kom ut på Slottsplassen etter statsråd for å møte folk og presse.
Arbeids- og inkluderingsminister Hadia Tajik, statsminister Jonas Gahr Støre og finansminister Trygve Magnus Slagsvold Vedum med blomster på Slottsplassen etter regjeringas første statsråd på slottet. Foto: Heiko Junge / NTB
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.