Hopp til hovedinnhold

Medaljemottaking på Slottet

Det er tradisjon å invitere mottakarar av Kongens fortenestmedalje til Slottet, men i to år gjorde pandemien det umogleg å gjennomføre arrangementet. I dag kunne Kongeparet igjen invitere til medaljemottaking.

05.04.2022

Dei 39 medaljemottakarane og følgjet deira vart først tekne med på ei lita omvising i nokre av dei finaste romma i Slottet, før dei vart ønskte velkommen av Hans Majestet Kongen og Hennar Majestet Dronninga i Lille festsal.

Kongens fortenestmedalje vart stifta av Kong Haakon VII 1. februar 1908. Han blir delt ut for innsats av særleg samfunnsgagnleg natur på område som kunst, kultur, vitskap, næringsliv og sosialt og humanitært arbeid.

Karen Marie Auråker Ellefsen har fått Kongens fortenestmedalje og var blant gjestene på Slottet. Foto: Håkon Mosvold Larsen / NTB

 

Hilde Bjørkum frå Førde i Vestland, følgd av Per Vassbotn, helsar på Kongeparet. Foto: Håkon Mosvold Larsen / NTB

Inger Lise Rypdal har fått Kongens fortenestmedalje. Ho vart følgd til mottakinga av Kjetil Swirstra Bie. Foto: Håkon Mosvold Larsen / NTB

Da alle var ønskte velkommen, gjekk Kongeparet og gjestene til bords i Store festsal, der det var servering, talar og musikalske innslag.

 

Del denne artikkelen på Facebook eller Twitter

Del på Twitter Del på Facebook