Middag med alle ordførarane i landet
Hans Majestet Kongen og Hennar Majestet Dronninga var i går kveld til stades da alle ordførarane i landet var samla til stor festmiddag i Oslo rådhus. Det er tradisjon at ordføraren i Oslo inviterer alle kollegaene sine til opplevingar i hovudstaden ein gong i løpet av valperioden.
I år har ordførar Marianne Borgen lagt opp til at kollegaene hennar frå heile landet skal få oppleve Oslos nye flotte kulturbygg. Før gårsdagens festmiddag fekk ordførarane besøkje Nasjonalmuseet – fire dagar før det blir offisielt opna.
– Det er ei stor glede endeleg å få ønskje velkommen til ordførarar frå heile landet. Eg håpar de har hatt ein fin dag på Nasjonalmuseet. Eg ser fram til morgondagen, da vi saman skal besøkje Munchmuseet og Deichman Bjørvika, sa ordførar Marianne Borgen da ho ønskte velkommen til bords i Oslo rådhus.
Kongen i samtale med Valgerd Svarstad Haugland, statsforvaltar i Oslo og Viken. Foto: Sven Gj. Gjeruldsen, Det kongelege hoffet.
Demokrati
– Vi har alle det til felles at vi er valde av folket og har fått tillit av innbyggjarane. Det er vi som til dagleg forvaltar det lokale demokratiet vårt, vi er berarar av demokratiet. Det er eit stort og alvorleg ansvar. Ein tillit som vi forvaltar med hardt arbeid kvar dag, saman med innbyggjarane i kommunane våre. Den grunnleggjande tilliten som er i vårt land, var noko av grunnlaget for at landet greidde å komme seg gjennom to tøffe år med alvorleg pandemi, sa Borgen til ordførarkollegaene sine.
I dag skal ordførararane besøkje Deichman Bjørvika og det nye Munchmuseet. Her vil dei få lære om moderne bibliotekdrift, arkitektur og ungdomssatsinga UngForOslo (UFO). På Munchmuseet får ordførarane høyre om samlinga og får sjansen til å sjå kunstverka på eiga hand.
Dronninga sat saman med Stortingspresident Masud Gharahkhani, ordførar Merete Myhre Moen i Tynset kommune og ordførar Jenny Følling i Sunnfjord kommune. Foto: Sven Gj. Gjeruldsen, Det kongelege hoffet.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.