Jon Fosse i audiens
Hans Majestet Kongen tok imot forfattaren Jon Fosse i audiens på Slottet i dag. Fosse vart tildelt storkors av Den Kongelege Norske St. Olavs Orden 7. juni.
Audiensen fann stad på kontoret til Kong Harald, som ein samtale mellom Kongen og forfattaren. Jon Fosse vart utnemnd til kommandør av St. Olavs Orden allereie i 2005, men forfremja til storkors for sitt framifrå forfattarskap.
St. Olavs Orden vert tildelt som "belønning for framifrå fortenester for Noreg og menneskeheita", og storkorset er ordenens høgaste klasse.
Kong Harald tok i mot Jon Fosse i audiens. Foto: Ole Berg-Rusten, NTB
Reisevegen var kort for forfattaren i dag. Jon Fosse bur til dagleg i "Grotten" – staten sin æresbustad for kunstnarar og næraste nabo til Slottet.
Jon Fosse på veg heim til "Grotten" etter audiensen med Kongen. Æresbustaden ligg i utkanten av Slottsparken. Foto: Ole Berg-Rusten, NTB
I oktober 2023 kunne Kongen gratulere Jon Fosse med Nobelprisen i litteratur. Fosse er den fjerde norske forfattaren som har fått denne store æra, etter Bjørnstjerne Bjørnson (1903), Knut Hamsun (1920) og Sigrid Undset (1928).
-
Jon Fosse i audiens
-
Jon Fosse i audiens
Jon Fosse på veg heim til "Grotten" etter audiensen med Kongen. Æresbustaden ligg i utkanten av Slottsparken. Foto: Ole Berg-Rusten, NTBBilde 2 av 3 -
Jon Fosse i audiens
Større bilde
Større bilde
Større bildeAktuelle saker
Nyttårsframsyning med Dissimilis
Prinsesse Astrid, fru Ferner, var laurdag kveld til stades då Dissimilis heldt nyttårsframsyning i Operaen i Oslo.
Journalister mottok Sønstebyprisen
NRK-journalist Yama Wolasmal og aviseredaksjonen The Barents Observer fikk Sønstebyprisen for 2025. Hans Majestet Kongen var til stede under prisutdelingen på Akershus festning i Oslo.