Skifestival og Raw Air i Holmenkollen

Laurdag starta med sol, blå himmel og fulle tribunar for 20 kilometer klassisk for kvinner og menn – før kombinert 5 kilometer for kvinner og kombinert 10 kilometer for menn.

Kongeparet og Kronprinsparet gratulerer Therese Johaug med VM-revansje og siger på 20-kilometeren i Kollen. Foto: Liv Anette Luane, Det kongelege hoffet

I langrennsøvingane fekk Therese Johaug og Martin Løwstrøm Nyenget revansje etter VM og vann kvart sitt verdscuprenn. Gyda Westvold Hansen vann kombinertrennet i Holmenkollen på overlegent vis, medan tyske Vinzenz Geiger spurtslo Jarl Magnus Riiber under kombinertrennet for mennene.

Folkefest i Holmenkollen under skifestivalen laurdag. Foto: Liv Anette Luane, Det kongelege hoffet

Martin Løwstrøm Nyenget jublar over sigeren på 20-kilometeren i Holmenkollen. Foto: Christoffer Andersen / NTB

Delte ut Holmenkollmedaljen

Kong Harald overrekte Holmenkollmedaljen – skisportens høgste utmerking – til tre utøvarar – den japanske kombinertutøvaren Akito Watabe, den slovenske skihopparen Peter Prevc og den finske langrennsløparen Ivo Niskanen.

Skiforeningen deler ut Holmenkollmedaljen, og den har blitt delt ut sidan 1895. For å bli vurdert må utøvaren, ved sidan av sine resultat, òg ha markert seg med fin sportsleg framferd og gode personlege eigenskapar.

Raw Air i Holmenkollen

Torsdag starta Raw Air-turneringa i Holmenkollen – med Kong Harald og Prinsesse Astrid på plass på tribunen. Japanske Ryoyu Kobayashi vann storbakkerennet i Holmenkollen.

Prinsesse Astrid følgjer Raw Air-turneringa i Holmenkollen. Foto: Liv Anette Luane, Det kongelege hoffet