Skiforbundet 100 år
H.M. Kongen var til stades da Noregs Skiforbund feira 100-årsjubileet sitt i Oslo Rådhus onsdag. Kong Harald overrekte òg Skiforbundets høgaste utmerking, Plaketten, til elleve utøvarar.
Noregs Skiforbund vart stifta 21. februar 1908 og organiserer seks skigreiner: alpint, freestyle, hopp, kombinert, langrenn og telemark. Det er ei samanslutning av om lag 1150 klubbar.
Onsdag feira forbundet 100-årsjubileet med middag i Oslo Rådhus for 450 inviterte gjester. Ei lang rekkje kjende skinamn tok del i feiringa, og elleve av dei vart heidra spesielt.
Norges Skiforbunds Plakett
Elleve utøvarar tok imot Skiforbundets høgaste utmerking under jubileumsmiddagen. H.M. Kongen overrekte Plaketten til dei elleve, som alle har teke imot Noregs Skiforbunds Gullmedalje tidlegare. Dei elleve er (ordna etter skigrein):
- Bjørn Dæhlie
- Thomas Alsgaard
- Vegard Ulvang
- Frode Estil
- Bente Skari
- Espen Bredesen
- Bjarte Engen Vik
- Fred Børre Lundberg
- Kjetil André Aamodt
- Lasse Kjuus
- Kari Traa
Plaketten kan delast ut til både organisasjonar og enkeltpersonar. Når han blir tildelt utøvarar, skjer dette til skiløparar som har oppnådd framståande resultat i internasjonale konkurransar over lengre tid. Gull i OL og VM, og/eller samanlagtsiger i World Cup, er ein føresetnad. Plaketten blir ikkje tildelt utøvarar som framleis er aktive.
Aktuelle saker
Samarbeid i Seattle
- Gjennom århundrene har millioner av mennesker tatt med seg sine håp og drømmer til USA. Noen har kommet for å oppleve et eventyr, andre for å klare å overleve eller for å forbedre livet for seg selv og sin familie, sa Kronprinsen da han innledet besøket til Seattle.
Det kongelige hoffs årsrapport for 2023
Kongehusets aktiviteter gjennom året speiler Norge i dag. Kongefamiliens reiser til 47 kommuner, offisielle besøk til fem europeiske land, ulike arrangementer sammen med det norske forsvaret samt søkelys på landets beredskap, viser både hva som er viktig for Norge og hva Kongefamilien er engasjert i.