Besøkte Rabita speidargruppe

Besøket var ei oppfølging av Kronprinsesse Mette-Marits deltaking på den internasjonale speidarleiarsamlinga Overture, som vart halden på Haraldsheim vandrarheim i oktober. Rabita speidargruppe vart etablert for eit år sidan som ein del av Norges Speiderforbunds mangfaldsarbeid.

Rabita speidargruppe

Speidargruppa, som held til i moskéen i Calmeyersgate, fokuserer både på speidaraktivitetar som turar og førstehjelp – og læring om islam og Koranen når dei har samlingar. Speidarane framførte blant anna ein heilt spesiell variant av Raudhette for Kronprinsessa. Han var dramatisert med element frå både speidarlivet og islam.

Kronprinsessa er høg beskyttar for Norges Speiderforbund.