Møtte næringslivsleiarar i Japan
Den Høgvørde Kronprinsen møtte japanske og norske næringslivsleiarar under ei mottaking i Tokyo i dag. Kronprinsen er i Japan i høve tronskifteseremonien i morgon.
Rundt 60 norskrelaterte bedrifter er etablerte i Japan, og landet er Norges tredje største handelspartnar i Asia.
Den viktigaste norske eksportartikkelen til Japan er sjømat, men tradisjonelt har det òg vore nære relasjonar innan skipsfart. Ei rekkje norske reiarlag har bygd skipa sine ved japanske skipsverft.
I dag er hovudtyngda av samarbeidet retta inn mot transporttenester, skipsfart og leveransar av komponentar og teknologisk utstyr. Equinor opna kontor i Japan fjor som ein del av si satsing på hydrogen som energiberar og på hav-vind.
Keisarskifte
I morgon vil Kronprins Haakon vere til stades under den høgtidelege tronskifteseremonien som markerer innsetjinga av Hans Majestet Keisar Naruhito på den japanske trona. Keisar Naruhito overtok etter far sin, Keisar Akihito, 1. mai i år.
Aktuelle saker
Utnevnelse til St. Olavs Orden
H.M. Kongen har utnevnt artist, komponist, pianist og forfatter Ingrid Bjørnov, Tomter til Kommandør av Den Kongelige Norske St. Olavs Orden.
Byutvikling og natur i Oslo
Grønn omstilling, bærekraft og byutvikling er tema under statsbesøket fra Danmark, og i dag ble Deres Majesteter Kong Frederik og Dronning Mary bedre kjent med Oslo - både byen og naturen omkring.