Munch i Roma
For første gong på 20 år blir ei stor Edvard Munch-utstilling vist i Roma. Hennar Majestet Dronning Sonja stod for den offisielle opninga på Palazzo Bonaparte. Italias president Sergio Mattarella var òg til stades under opninga.
11. februar 2025
Utstillinga "MUNCH: Inner Fire" presenterer 100 verk frå MUNCH i Oslo og gir eit breitt innblikk i Munch sitt kunstnarlege og personlege utvikling. Blant verka finn ein ikoniske motiv som "Pikene på broen" (1927), "Dans på stranden" (1904) og eit litografi av "Skrik" (1895).
Utstillinga viser òg verk frå Munch sin tid i Italia og korleis opphaldet påverka kunstnerskapet hans. Roma er den andre italienske byen som viser "MUNCH: Inner Fire". Hausten 2024 blei utstillinga vist på Palazzo Reale i Milano, der ho trekte om lag 2000 besøkjande dagleg og blei den mest besøkte kunstutstillinga i Italia i 2024.
Munch i Roma
I tillegg til Munch sin kunst vil utstillinga følgjast av eit omfattande sideprogram som løfter fram ulike norske kunst- og kulturuttrykk innan mellom anna film, litteratur, design, musikk og fotografi. Dette bidreg til å styrkje det norsk-italienske kultursamarbeidet og gje publikum eit breiare innblikk i norsk kulturarv.