Bollywoodfeber
H.K.H. Kronprinsesse Mette-Marit var søndag kveld til stades på danseframsyninga ”Bollywoodfeber” på Cosmopolite i Oslo. I det tre timar lange danseshowet var over 100 dansarar i aksjon på scenen.
9. november 2009
Bak framsyninga står Rikskonsertane og X-Ray ungdomskulturhus, og ho er sett opp i høve Oslo World Music Festival.
X-Ray
Ungdomskulturhuset X-Ray på Grünerløkka i Oslo har dyrka fram ei rekkje talent innan urban dans og musikk i Noreg, blant anna Mira Craig, Samsaya, Madcon og Adil. Det er ungdommane sjølve som står bak og driv ungdomskulturhuset.
Dansarar på X-Ray har laga danseshowet i samarbeid med Storbritannias leiande dansarar innan hiphop og indisk bhangra-dans. Dance Essence frå London har vunne mange prisar.
Møtte dansarar
Kronprinsesse Mette-Marit vart motteken av leiaren av X-Ray ungdomskulturhus, Farooq Farooqi, prosjektleiaren for X-Ray ungdomskulturhus, Henriette Vold, den plassansvarlege på Cosmopolite for World Music Festival, Kristin Eriksen, og direktøren for Rikskonsertane, Åse Kleveland, da ho kom til Cosmopolite.
Etter at framsyninga var over, møtte Kronprinsessa nokre av dansarane bak scenen.
Bollywoodfeber
