Dei kongelege beskyttarskapa
I samband med tronskiftet fell dei faste kongelege beskyttarskapa bort i tråd med sedvane. Ordninga med beskyttarskap vil halde fram, og både eksisterande beskyttarskapsorganisasjonar og andre organisasjonar kan søkje om beskyttarskap.
25. september 2026
Det viktige arbeidet som beskyttarskapsorganisasjonar og -institusjonar bidreg med i samfunnet, har stor verdi. Kongehuset sender ei varm takk for den store innsatsen.
Kongehuset vil leggje til rette for at eksisterande beskyttarskapsorganisasjonar kan søkje om fornya beskyttarskap. Søknadsfristen er 1. februar 2027. Søknadsprosessen og tidslinja for arbeidet med eventuell fornying av beskyttarskapa vil då òg bli formidla til søkjarane. Alle dei eksisterande beskyttarskapsorganisasjonane er orienterte om dette.
Kong Haakon vil framleis vere beskyttar for TV-aksjonen i år.
Kven får beskyttarskap?
Både organisasjonar og enkeltståande arrangement som festivalar, utstillingar og konferansar kan få kongeleg beskyttarskap. Vanlegvis blir beskyttarskap for ein organisasjon innvilga for ein periode på fem år. Dersom organisasjonen ønskjer å halde fram med beskyttarskap, må han søkje på nytt.
Dei kongelege kan følgje opp beskyttarskapa sine gjennom audiensar der representantar orienterer beskyttaren om arbeidet sitt, gjennom deltaking på ulike arrangement, og gjennom deltaking eller helsingar ved jubileum.