Drilloppvisning for Kongeparet
I sommar held 3. gardekompani drilloppvisningar for publikum på Slottsplassen. I dag var Deira Majestetar Kongen og Dronninga til stades ved oppvisninga av årets drillprogram.
20. juni 2023
Kong Harald innleia oppvisninga med helsinga “God dag, gardistar”. “God dag, Herre Konge”, svarte gardistane i kor.
Det er tradisjon at Hans Majestet Kongens Garde har oppvisning av årets musikk- og drillprogram på Slottsplassen. Kongen er gjerne til stades på Slottsbalkongen for å sjå oppvisninga.
3. gardekompani er Gardens musikk- og drillkompani. Etter å ha trena hausten og vinteren gjennom deltek gardistane på konsertar, tattooar, oppvisningar og andre arrangement i inn- og utland. Nyleg var musikk og drill på turné på Sørlandet og i Nordland – samtidig med Kongeparets fylkestur.
Drilloppvisning 2023
