Egypts president i audiens
Hans Majestet Kongen tok i dag imot Hans Eksellense President Abdel Fattah Al Sisi i audiens på Det kongelege slottet. Presidenten er det første egyptiske statsoverhovudet som besøkjer Noreg.
9. desember 2024
Til stades ved audiensen var òg Den Høgvørde Kronprinsen.
Egypts president er på eit to dagar langt offisielt besøk til Noreg. I kveld deltek Kronprins Haakon på ein næringslivsmiddag på Nasjonalmuseet i høve besøket.
Politiske samtaler
President Al Sisi har òg hatt møte med statsminister Jonas Gahr Støre, stortingspresident Masud Gharahkhani og utanriks- og forsvarskomiteen på Stortinget. I morgon møter Abdel Fattah Al Sisi representantar for norsk næringsliv.
På dagsorden
Egypt spelar ei viktig rolle i fleire prosessar for fred og konfliktløysing, særleg i Midtausten. Samarbeid mellom Noreg og Egypt om det grøne skiftet, aktuelle FN-spørsmål og menneskerettar står òg på dagsordenen.
Audiens Egypts president
