Finalekonsert i Prinsesse Astrid internasjonale musikkpris

Dei tre fiolinistane Jiayi Chen (28) frå Kina, Sara Dragan (25) frå Polen og Sungmin Cho (23) frå Sør-Korea spelte finalekonsert i Olavshallen i Trondheim framfor ein internasjonal jury beståande av sju anerkjende fiolinistar og bransjepersonar.

– Eg vil gratulere finalistane – og særleg fiolinisten som til slutt går av med sigeren seinare i kveld, sa Prinsesse Astrid i helsinga si.

– Musikken er eit språk som ikkje treng ord. Den skaper verdifulle fellesskap – rører og inspirerer på tvers av kulturar og generasjonar.

Ho takka vidare juryen, musikarane og alle som har bidrege til å gjennomføre konkurransen – til glede for eit stort og takknemleg publikum.

Den lengstlevende musikkonkurransen i Norge

Heilt sidan 1953 har musikkprisen som ber namnet til Prinsesse Astrid vorte delt ut til unge musikarar. Anna kvart år kjem talent frå heile verda til Trondheim for å konkurrere i kunstforma si.

Til slutt var det Sara Dragan som stakk av med sigeren i den 23. utgåva av musikkonkurransen. Ho vann førstepremien på 160 000 kroner og eit solistoppdrag med Trondheim Symfoniorkester & Opera.

Beste norske deltakar blei Inga Våga Gaustad (25). Inga kom til andre finalerunde, og vann med det Finn Audun Oftedal minnestipend på 10 000 kroner.

Prinsesse Astrid, fru Ferner, er beskyttar for Trondheim Symfoniorkester & Opera som arrangerer musikkonkurransen.