Homofili og islam

I tillegg til framsyning av den norsk-tyrkiske regissøren Nefise Özkal Lorentzens film, var det kulturelle innslag og foredrag.

Iranske Manour Saberi har budd i Noreg i 18 år, og er ein av hovudpersonane i dokumentarfilmen. Etter framsyninga fortalte han om sine personlege erfaringar med å leve som homofil i Iran – og i Noreg.

Daayiee Abdullah, som er imam og busett i Washington, heldt foredrag frå sin ståstad som ein av dei få opne homofile imamar i verda.

Fritt Ord var arrangør, og arrangementet var eit ledd i Mangfaldsåret 2008.

Etter arrangementet møtte Kronprinsessa fleire av dei som medverka i filmen.