Julegudsteneste i Asker
Kronprinsfamilien innleidde årets julefeiring i ettermiddag ved å gå til den tradisjonelle gudstenesta i Asker kyrkje. Sokneprest Karoline Astrup tok imot Dei kongelege på kyrkjetrappa.
24. desember 2021
Julegudstenesta vart innleidd med Grundtvigs salme "Det kimer nå til julefest", som vart skriven i 1817, og julebodskapen var det naturlege temaet for preika soknepresten heldt for kyrkjelyden.
Før juleevangeliet slik det står i Evangeliet etter Lukas, vart lese, song kyrkjelyden Alf Prøysens "Julekveldsvise" – ein kjær julesong som no er teken inn i salmeboka.
Forutan salmesongen til kyrkjelyden stod fiolinist Victoria Willumsen Lewis, solist Frida Lund-Larsen og kantor Ingvild Køhn Malmbekk for dei musikalske innslaga.
Gudstenesta vart avslutta ved at kyrkjelyden song «Deilig er jorden» – som opphavleg er ein folkemelodi nedteikna i tyske Münster i 1677.
Etter gudstenesta reiste Kronprinsfamilien til Skaugum for å feire julaftan saman med Kongeparet.
Julegudstjeneste 2021
