Klimakonferansen til Noregs Bank
Den Høgvørde Kronprinsen var til stades under klimakonferansen til Noregs Bank. Konferansen samla leiande ekspertar for å diskutere korleis klimaendringar og energiomstillinga påverkar makroøkonomien og finansmarknadene.
21. oktober 2025
Kronprinsen vart teken imot og ønskt velkomen til Noregs Bank av sentralbanksjef Ida Wolden Bache.
Blant talarane på konferansen var presidenten for Den europeiske sentralbanken, Christine Lagarde, og tidlegare visepresident i USA, Al Gore.
Arrangementet markerte slutten på NBIM sin Climate Action Plan 2025 (2022–2025) og strategiperioden til Noregs Bank frå 2023 til 2025 (Strategi25), der klima har vore ei av tre hovudsatsingar. Noregs Bank har hatt som mål å styrkje eigen kompetanse om verknadene av klima og energiomstillinga på norsk og internasjonal økonomi og å dele kompetansen sin.
I forkant av konferansen møtte Kronprinsen presidenten for Den europeiske sentralbanken, Christine Lagarde.
Han hadde òg eit møte med dei tre forskarane Solomon Hsiang, Diego Känzig og Bård Harstad, før ein samtale med sentralbanksjef Ida Wolden Bache og dagleg leiar for NBIM Nicolai Tangen.
