Klimaløysingar på Zerokonferansen

Den Høgvørde Kronprinsen var til stades på opninga av Zerokonferansen 2024 – der klimaleiarar i år møtast for å diskutere geopolitikk, energisikkerheit og grøn omstilling.

24. oktober 2024

Kronprins Haakon var til stades ved opninga av Zerokonferansen 2024. Her saman med ordførar Anne Lindboe og statsminister Jonas Gahr Støre. Foto: Kevin Dahlman / Zero

For ti år sidan handla Zerokonferansen om at det grøne skiftet endeleg var i gang. I opningstalen såg Zero-leiar Stig Schjølset tilbake på barnesjukdomar og voksesmerter i den grøne omstillinga, og presenterte Zeros forslag til korleis vi skal klare det grøne skiftet.

Klima og geopolitikk

Statsminister Jonas Gahr Støre vart spurt ut av Zero-leiaren på scena. Under opningssesjonen heldt også klima- og tryggleiksanalytikar Erin Sikorsky eit innlegg om klima i den globale tryggleikssituasjonen, og Sara Brown, Europa-direktør i den uavhengige tenketanken Ember, presenterte status for den europeiske energiomstillinga.

Klimaløysingar på utstilling

Etter opningssesjonen på The Hub i Oslo besøkte Kronprins Haakon utstillingsområdet der han fekk meir informasjon om aktuelle klimaløysingar.

Fabrikksjef Ole-Jacob Siljan gir Kronprinsen nokre av dei første dropane med fornybar ammoniakk frå Yaras fornybare hydrogenanlegg på Herøya i Porsgrunn. Foto: Heiko Junge / NTB

Höegh Autoliners presenterte ein modell av Aurora-skipet, verdas mest miljøvennlege djuphavs bilskip, som skal gå på rein ammoniakk frå 2027. For å utvikle Aurora-klassen har Höegh Autoliners inngått samarbeid med leiande norske selskap.

Kronprinsen besøkte også ein stand med Norsk e-fuel. Zero og Norges Idrettsforbund viste fram prosjektet sitt “Energismarte idrettsanlegg”.