Kong Haakon markerte sesongslutt

Dronning Sonja var òg til stades under seremonien om bord. 

Tradisjonen tru var det oppstilling og inspeksjon av mannskapet på akterdekket. Kong Haakon nytta høvet til å takke alle for innsatsen.

– Dette vart ei spesiell vakt. Det var den siste sommaren Kong Harald var om bord i Kongeskipet. Han var veldig glad i fartøyet – å vere om bord her – og sjølvsagt sette pris på besetninga som er om bord og den jobben de gjer, sa Kongen.

Deretter følgde inspeksjon av fartøyet.

Då Kong Haakon forlét skipet, lydde signalet «Pip over – pip av». For to veker sidan blåste takkelmeisteren frå Kongeskipet det tradisjonelle signalet med båtmannspipe då Kong Harald si båre vart ført inn i Akershus slottskirke, som eit teikn på at Kong Harald forlét skipet for siste gong. Den siste offisielle reisa han nytta Kongeskipet var i høve fylkesturen til Vestland i mai.

Kongeskipet Norge vart gjeve som ei gåve frå det norske folket til Kong Haakon VII etter ein landsomfattande innsamlingsaksjon i 1947. Skipet er eigd av Hans Majestet Kongen, men vert driven av Sjøforsvaret.

Når Kongen er om bord på Kongeskipet Norge, vaier Kongeflagget frå toppen av aktermasta.