Kongen følgde NM på ski
Hans Majestet Kong Harald har følgt NM på ski i helga. Som så mange gonger tidlegare har Kongen heia fram etablerte og kommande skitalent og teke imot vinnarane på kongetribunen.
3. februar 2019
Denne gongen gjekk noregsmeisterskapet i Meråker, som fekk sitt første kongebesøk i høve meisterskapet.
I dag vart meisterskapet avslutta med stafettane for damer og herrar. Kongen kunne gratulerere søstrene Silje, Astrid og Kari Slind med gull for Oppdal IL framfor Nes og Heming.
På herresida gjekk Oslo-laget Lyn av med sigeren framfor Røa og Asker Skiklubb. Simen Hegstad Krüger gjekk ankeretappen etter grunnarbeid frå Johan Tjelle og Hans Christer Holund.
Laurdag tok Kong Harald imot Therese Johaug og Emil Iversen på kongetribunen som noregesmeistrar på høvesvis 15 og 30 kilometer skiathlon.
No er VM i Seefeld det neste store målet for langrennsløparane, med startskot 20. februar. Både Kong Harald og Hennar Majestet Dronninga vil vere til stades for å heie fram dei norske utøvarane.
Ski NM 2019
