Kongen opna nye Ahus
Torsdag stod H.M. Kong Harald for den offisielle opninga av nye Akershus universitetssjukehus. Kongen fekk oververe ei høgtsvevande opningsframsyning med musikk og trapesartistar før han opna det nye sjukehuset.
10. november 2008
Meir enn 450 gjester var til stades under opninga, der både profesjonelle kunstnarar og amatørar deltok. Tematikken i festframsyninga var livet – frå vogge til grav.
Omvising
Etter opningsseremonien fekk Kongen ei omvising ved barneklinikken og i sjukehuskyrkja, som er lagd til rette for alle trusretningar.
Ahus
Akershus universitetssjukehus – "Ahus" – ligg i Lørenskog og er den største arbeidsplassen i kommunen. Ahus er eit av dei største sjukehusa i landet og har pasientbehandling, forsking og undervisning som hovudoppgåver.
Det er over 4500 tilsette ved sjukehuset, som leverer helsetenester til dei 340 000 innbyggjarane i regionen.
(Kjelde: Ahus.no)
Ahus
