Kronprinsen og Prinsen rodde Myklebustskipet

Myklebustskipet er det største vikingskipet som det er funnen spor etter i Noreg. Det vart funne i ein gravhaug på Nordfjordeid i 1874.

Besøket tok til ved Sagastad, eit kunnskapssenter som åpna i 2019 og som arbeider med å formidle kunnskap om vikingtida, og om dei funna som er gjorde på staden Myklebust som ligg berre få undre meter unna. Kronprinsen og Prinsen fekk ei orientering av Synnøve Aabrekk dagleg leiar av Sagastad om korleis lokalbefolkninga har arbeidd for å reise ein fullskala rekonstruksjon av vikingskipet, og om staden si historiske rolle som høvdingsete.

Deretter gjekk besøket vidare til gravhaugen «Rundehågjen», der Morten Ramstad får Universitetet i Bergen, Geir Holmen, kultursjef i Stad kommune og Marita Melheim Myklebust som er grunneigar fortalde om utgravinga og arbeidet med å søke om å bli tatt opp på UNESCOs verdsarvliste.

Myklebustskipet er 30 meter langt, 6 meter bredt og har 24 par årer. Under trygg leiing av skipper Rolf Nore og bestmann Harald Ola Kolseth, la rolaget på 44 roarar ut på tokt på fjorden. Både Kronprinsen og Prinsen fekk også æra av å stå til rors på skipet.