Linstows stalldør
Da handverkarane slo seg gjennom veggen 23. mai, var det ikkje første gong ein kunne gå frå hallen i Slottet og ut i Parkvegen. Da stallen stod ferdig i 1849, var det ei dør akkurat her.
30. mai 2017
Slottsarkitekten, Hans Ditlev Franciscus Linstow, teikna ikkje berre sjølve Slottet. Han teikna òg stallanlegget til Slottet – i tillegg til å vere sterkt involvert i planlegginga av byen som voks fram omkring.
Ein stall for 40 hestar
Den første tanken til Linstow var å leggje stallane ved Nisseberget – omtrent der gartneriet til Slottet ligg i dag. Men dette ville krevje store sprengingsarbeid og bli altfor kostbart. Dermed vart planen endra, og Linstow teikna ein stall for 40 hestar i den andre enden av dagens Slottspark – ut mot Parkvegen.
Stallen vart bygd om i 1908–1911, men den delen som stammar frå Linstows tid, er bevart i tilnærma opphavleg utforming. Fasaden har ein svakt framskytande midtrisalitt som er prega av eit tredelt vindaugsparti som går over to etasjar.
Men døra, som var plassert i midtre felt, vart fjerna omkring 1896. No blir døra etablert på nytt som eit ledd i rehabiliteringa av Den kongelege stallen. Ho skal få ny funksjon som publikumsinngang til Dronning Sonja KunstStall.
Hull i stallveggen
Kong Harald ville selv være til stede da veggen til Midtstallen ut mot Parkveien ble åpnet. Her skal inngangen til Dronning Sonja KunstStall komme. Foto: Liv Osmundsen og Nina Ilefeldt, Det kongelige hoff
