Litauens president i audiens

Litauens president, Hans Eksellense Gitanas Nausėda, er på offisielt besøk i Noreg. I ettermiddag tok Hans Majestet Kongen imot presidenten og førstedame Diana Nausėdienė i audiens på Slottet.

13. februar 2023

Kong Harald tar imot Litauens president Gitanas Nausėda i audiens på Slottet. Foto: Sven Gj. Gjeruldsen, Det kongelige hoff

Hennar Majestet Dronninga og Den Høgvørde Kronprinsen var òg til stades.

Etter audiensen heldt Kongeparet lunsj for det litauiske presidentparet i Daglig spisesal på Slottet. Frå regjeringa deltok statsråd Anne Beathe Tvinnereim.

Audiens på Slottet med Litauens president Gitanas Nausėda og førstedame Diana Nausėdienė. Foto: Terje Pedersen, NTB

Under besøket i Noreg har president Gitanas Nausėda hatt politiske samtalar med stortingspresident Masud Gharahkhani.

Litauen er ein viktig alliert i NATO og ein partnar i det nordisk-baltiske samarbeidet. Den tryggingspolitiske situasjonen i Europa har prega besøket til Litauens president.