Medaljemottaking på Slottet
Det er tradisjon å invitere mottakarar av Kongens fortenestmedalje til Slottet, og i dag heldt Kongeparet mottaking for 31 medaljemottakarar og følgjet deira.
7. november 2023
Trond Henry Blattmann og Lisbeth Kristine Røyneland var blant gjestane. Begge har fått Kongens fortenestmedalje for sitt arbeid som leiarar i Nasjonal støttegruppe etter 22. juli.
Medaljemottakarane og følgjet deira vart først tekne med på ei omvising i dei vakraste romma på Slottet, før dei vart ønskte velkomne av Hans Majestet Kongen og Hennar Majestet Dronninga i Lille festsal.
Kongens fortenestmedalje vart stifta av Kong Haakon VII 1. februar 1908. Han blir delt ut for innsats av særleg samfunnsgagnleg natur på område som kunst, kultur, vitskap, næringsliv og sosialt og humanitært arbeid.
Medaljemottakelse 2023
