Mot og motstand
I dag opna utanriksminister Jonas Gahr Støre utstillinga ”Mot og motstand” på Nobels fredssenter. Hennar Majestet Dronninga var til stades ved opninga.
6. mai 2010
Utstillinga er den same som Dronning Sonja opna på Iziko National Gallery i Cape Town i november i fjor da Kongeparet var på statsbesøk til Sør-Afrika, men da med under namnet ”Strengths and Convictions”.
Dei sørafrikanske fredsprisvinnarane
Historiene til nobelprisvinnarane Nelson Mandela, FW de Klerk, Desmond Tutu og Albert Luthuli står sentralt i utstillinga. Gjennom foto, film og kunst blir kampviljen til både nobelprisvinnarane og sørafrikanske kunstnarar mot apartheid og for demokrati, menneskerettar og eit rettferdig samfunn vist.
Bente Erichsen, direktør ved Nobels fredssenter, ønskte Dronninga velkommen saman med Sør-Afrikas ambassadør Beryl Rose Sisulu. Etter at utanriksministeren hadde erklært utstillinga for opna, fekk Dronninga ei omvising leidd av kurator Gavin Jantjes.
Spesielt hyggeleg var det at fleire av dei sørafrikanske kunstnarane var til stades og sjølve kunne fortelje om arbeida sine.
Utstillinga varer til 24. oktober 2010.
Mot og motstand 2010
