Painting Canada
Hennar Majestet Dronninga var til stades ved opninga av utstillinga “Painting Canada. Tom Thomson and The Group of Seven" i Nasjonalgalleriet i ettermiddag.
26. januar 2012
Utstillinga viser kunst frå dei viktigaste pionerane innan kanadisk landskapsmåleri frå første del av det 20. hundreåret. Det var kjærleiken til Canada som inspirerte målarane til å utforske villmarka i nasjonalparkane i landet. Motiva og formspråket viser tydeleg påverknad frå skandinaviske landskapsmålarar, og utstillinga gjev eit innblikk i eit viktig kapittel i kanadisk modernisme.
I tillegg blir nokre få verk frå Nasjonalgalleriets eiga samling viste, med måleri av nordiske kunstnarar som inspirerte kanadiarane, blant andre Munch, Harald Sohlberg og Prins Eugen.
The Group of Seven
The Group of Seven vart danna i 1919 og heldt si første utstilling i 1920. Gruppa bestod av Franklin Carmichael, Lawren Harris, A.Y. Jackson, Franz Johnston, Arthur Lismer, J.E.H. MacDonald and Frederick Varley. Tom Thompson hadde stor påvirknad på gruppa, men var aldri medlem.
Åpning i ettermiddag
Utstillinga vart formelt opna av chargé d’affaires ved den kanadiske ambassaden i Oslo i ettermiddag, og Dronning Sonja fekk ei inngåande omvising av Charles Hill frå National Gallery of Canada saman med prosjektleiar og kurator Frode Haverkamp og formidlingskurator Ellen Lerberg frå Nasjonalgalleriet.
Pianisten Einar Steen Nøkleberg stod for det musikalske og spelte musikk av Grieg.
«Painting Canada» har òg vore vist i London, med svært god omtale og høge besøkstal. I Oslo vil utstillinga stå frå 27. januar til 13. mai.
Painting Canada
