Rullatorfestival på Jessheim
Fredag var H.K.H. Kronprinsessa til stades ved Rullatorfestivalen på Jessheim. Rundt 40 deltakarar var med i løpet, som vart arrangert som ein del av Eldres kulturuke i Ullensaker.
30. september 2008
Kronprinsessa stod samtidig for den offisielle opninga av Romsaasparken på Jessheim, der festivalen gjekk føre seg. Parken er spesielt godt tilrettelagd for brukarar av både rullatorar og rullestolar.
– Eg synest Ullensaker kommune har gjort ein stor innsats for å få til dette. Det er veldig viktig at lokalsamfunn går saman slik som på Jessheim og får til eit slikt tilbod til eldre, uttalte Kronprinsessa etter arrangementet.
Rullatorfestival
