Solid start på VM-kvalifiseringa
Det kokte på eit fullsett Ullevaal Stadion då Noreg slo Italia 3–0 i går kveld. Hans Majestet Kongen og Prins Sverre Magnus var til stades på tribunen under landskampen.
7. juni 2025
Etter den norske maktdemonstrasjonen leiar Noreg gruppa med ni poeng etter tre kampar. Måndag er det Estland som står for tur for mennene til Ståle Solbakken.
Alexander Sørloth sende Noreg i ei tidleg leiing etter ein nydeleg pasning frå Antonio Nusa. På 2–0 gjorde Nusa alt sjølv før han sette ballen i mål. Like før pause auka Erling Braut Haaland til 3–0 etter ein perfekt ball frå kaptein Martin Ødegaard.
VM-kvalifiseringskamp
+ 1 bilder