Støtte fra Kronprinsparets Humanitære fond
Styret i H.K.H. Kronprins Haakon og H.K.H. Kronprinsesse Mette-Marits Humanitære Fond har i år vedteke å gje støtte til den nicaraguanske organisasjonen Fundación Xochiquetzal [Fundasion Šusital].
27. august 2008
To representantar for organisasjonen vil vere til stades når Kronprinsessa deler ut årets pris ved eit arrangement på Universitetet i Bergen.
Fundación Xochiquetzal [Fundasion Šusital]
Fundación Xochiquetzal vart oppretta i 1990. Sidan starten har dei arbeidd for hiv-positive barn og unge som har opplevd seksuelle overgrep. Dette er eit omfattande problem i Nicaragua, der maktstrukturane gjer at spesielt jenter blir sårbare for seksuell utnytting og menneskehandel.
Fundación Xochiquetzal har gjennomført ei rekkje sosiale prosjekt over heile Nicaragua, og har sidan organisasjonen vart oppretta i 1990 vore med på å gje nærare 50 unge eit betre liv. For midlane frå Kronprinsparets humanitære fond vil ungdommar som tidlegare har vore offer for sexhandel, få mikrokredittlån til å etablere eiga verksemd. Organisasjonen følgjer opp ungdommane økonomisk, psykososialt og praktisk.
Kronprinsessa besøkte organisasjonen under reisa si til Nicaragua saman med UNAIDs direktør Peter Piot i november 2007.
Tildelinga frå fondet til Fundación Xochiquetzal er på 500 000 kroner.
KPP fond: Tildeling 2008
