Utvikling og verdigheit
H.K.H. Kronprins Haakon held foredrag under årets NHH-Symposium på Norges Handelshøyskole onsdag 11. mars.
19. januar 2009
Kronprinsen vil i foredraget “Utvikling og verdighet” snakke om utviklingsarbeid og korleis dette arbeidet kan bli påverka av finanskrisa. Kronprins Haakon var òg til stades under det førre NHH-Symposiet for to år sidan, men da som tilhøyrar.
Konferansen har i år tittelen “Kunsten å overleve”, eit tema som har vorte svært relevant gjennom den pågåande finanskrisa.
NHH-Symposiet
NHH-Symposiet er Nord-Europas største studentdrivne konferanse for arbeidslivet og blir arrangert av NHH-studentar annakvart år. Denne konferansen er den 14. i rekkja og vil gå av stabelen 11. og 12. mars 2009 ved Norges Handelshøyskole i Bergen.
Konferansen handlar om langsiktig prestasjon gjennom temaa påskjøning, organisering, samfunnsansvar og styring. Stadfesta bidragshaldarar er blant anna Robin Fraser, Børge Brende (World Economic Forum), Gunn Wærsted (Nordea) og Jed Emmerson i Al Gores Generation Foundation.