UWC Røde Kors Nordisk 30 år
Hennar Majestet Dronninga besøkte den internasjonale vidaregåande skulen i Fjaler i høve 30-årsjubileet.
29. september 2025
UWC Røde Kors Nordisk samlar 200 elevar frå kring 90 nasjonar i idylliske omgjevnader inst i ein vestlandsfjord. Skulen har eit overordna mål om å bruke utdanning til å fremje fred og berekraftig utvikling.
United World College (UWC) er ei utdanningsrørsle som fører ungdom frå heile verda saman på 18 vidaregåande skular i 18 land.
Dronning Sonja er beskyttar for UWC Røde Kors Nordisk og besøkte skulen for tolvte gong i helga. Ho deltok på ulike arrangement gjennom jubileumshelga, som elevane si storslagne framsyning laurdag kveld, bazar og open dag på sundag – og pizzabaking saman med elevar ved skulen og barn frå Røde Kors Haugland Rehabiliteringssenter.
Skulen har eit sterkt samarbeid med Røde Kors og er næraste nabo til rehabiliteringssenteret.
UWC Røde Kors Nordisk har tre grunnpilarar i arbeidet sitt – berekraftig utvikling, humanitært arbeid og nordisk samarbeid.
UWC Røde Kors Nordisk 30 år
