Vegen mot demokrati

Kongeparet har reist frå den nye hovudstaden, Nay Pyi Taw, til Yangon, det tidlegare Rangoon. Fram til 2006 var Yangon hovudstad, og det er her vi finn den viktigaste talarstolen i landet ved internasjonale besøk: universitetet i Yangon.

I den historiske foredragssalen sat representantar for myanmarske styresmakter, diplomatkorps og studentar ved universitetet. Kong Harald uttrykte støtte til avgjerda landet har teke om å byggje ei fredeleg og demokratisk framtid – og respekt for dei vanskane landet står overfor:

I applaud your determination to turn a difficult past into a hopeful future. The process of transformation you have embarked on is ambitious. We are here to support you in the hard work that lies ahead. (…)

We are aware that you will encounter difficulties in your process of transition. There will be obstacles to overcome in your transition to an open economy. Challenges lie ahead in your ongoing peace process. It takes time to build lasting and sustainable peace. In order to realise the vision of a sustainable democratic state, the commitment of all the people in your country is needed.

Rest assured that we see it as our responsibility to support you, to make a contribution in areas where our experience might be useful. We will continue to do this as a true and honest friend, whether or not we agree on everything.

Besøk til Telenor House

Frå universitetet reiste Kongen og Dronninga til Telenor House. Telenor er involvert i utbygginga av kommunikasjon i Myanmar – ei utbygging som kan revolusjonere dagleglivet for mange. Formidlinga av ein bodskap som til no har teke ei dagsreise, blir erstatta av ein telefonsamtale – med den enorme forenklinga det inneber.

Etter besøket hos Telenor var Kongeparet til stades under ein lunsj med representantar for norske og myanmarske styresmakter og næringsliv.

Nytt grønt senter

Kong Harald og Dronning Sonja var til stades da det nye miljøsenteret Center for Excellence for Greening/Asean Institute for Green Productivity vart offisielt opna i dag.

Heile 75 prosent av befolkninga i Myanmar er utan elektrisitet. Tilgang på energi – både til dagleglivet i hushalda og for næringsvekst – står derfor heilt sentralt på agendaen for Myanmar. Utfordringa er å gjennomføre ei utbygging som tek omsyn til miljø og berekraft for den unike naturen i landet. Ei utbygging basert på vatn og vind er aktuelt, med bistand frå blant anna norsk teknologi og næringsliv.

– Rural electrification and increased access to sustainable energy is essential for Myanmar’s development. Norway stands ready to support Myanmar on its path towards a sustainable energy future by sharing competence and technology, sa Kong Harald i talen sin.

Shwedagon-pagoden

Til slutt i ettermiddag (lokal tid) besøkte Kongeparet den nydelege Shwedagon-pagoden. Pagoden har ein heilt spesiell posisjon for buddhistane og for Myanmar. Det blir sagt at ein ny buddha vil komme kvart 5000. år, og i Singutara Hill kvilte alt for 2500 år sidan relikviar etter tre tidlegare buddhaer.

Shwedagon-pagoden vart reist på denne heilage staden til ære for desse buddhaene – og relikviar knytte til den siste buddhaen, Siddharta Guatama. Pagoden var eit velkjent landemerke alt på 1000-talet.

Mottaking

I kveld er Kongen og Dronninga til stades ved ei mottaking i regi av den norske ambassaden og Innovasjon Norge. Opposisjonsleiar Aung San Suu Kyi er òg blant gjestene.