Vitja det nye regjeringskvartalet
Kongeparet og Den Høgvørde Kronprinsen vitja det nye regjeringskvartalet i dag. Statsminister Jonas Gahr Støre tok imot gjestene på Einar Gerhardsens plass.
12. mai 2026
Dei kongelege fekk fikk høyre om attoppbygginga etter terroråtaket 22. juli 2011 og om utforminga av det nye kvartalet.
Første byggjesteget opna 13. april. Då var Høgblokka, A-blokka og D-blokka klare til å takast i bruk. Både dei tilsette ved Statsministerens kontor og medarbeidarar frå departementa kunne flytte tilbake til regjeringskvartalet frå mellombelse lokale andre stader i byen.
Gjenerobringa
Det var gått nesten 15 år sidan åtaket som kosta åtte menneske livet og raserte delar av det dåverande regjeringskvartalet. Under opninga peikte statsministeren på den symbolske tydinga av å ta bygget tilbake.
Det nye kvartalet inneber òg samlokalisering, med ønskje om betre samhandling mellom ulike departement og medarbeidarar.
Fleire byggjesteg
Statsbygg er byggherre for prosjektet, som hadde byggjestart i januar 2021, og første byggjesteg vart ferdigstilt i 2025. Det omfatta rehabilitering av Høgblokka, samt nybygg av A-blokka og D-blokka.
Bilete frå første byggjesteg
Nasjonalt minnestad
Etter bombinga av regjeringskvartalet heldt terroristen fram til Utøya, der ytterlegare 69 menneskeliv gjekk tapt. Minne- og læringssenteret for 22. juli har halde til i mellombelse lokale sidan opninga i 2015. Seinare i år opnar 22. juli-senteret i permanente lokale ved Høgblokka. Det permanente, nasjonale minnestaden vil bli plassert ved inngangspaviljongen til senteret frå Akersgata.
