Ungdommens bystyremøte
H.K.H. Kronprins Haakon deltok i dag på opninga av Ungdommens Bystyremøte i Oslo rådhus. Jeg er imponert over hva dere allerede har fått til. Det gjør meg trygg på fremtiden, sa Kronprinsen til ungdommane.
Ungdommens bystyremøte blir arrangert ein gong i året og er eit forum for unge i aldersgruppa 13 til 18 år. Fire frå alle lokale ungdomsråd, to frå barne- og ungdomsorganisasjonane og to frå alle elevråda i byen blir inviterte til å delta.
Ny rekord
Representantane kjem saman for å diskutere saker ungdom i Oslo er opptekne av, og prioritere fem saker som bystyret i Oslo skal behandle i løpet av same år. Møtet blir arrangert for 17. gong i år, og i dag er 176 delegatar samla i Oslo rådhus. Dette er fleire påmelde enn nokon gong tidlegare.
Opning i dag
Ungdommens bystyremøte blir halde i dag, 7. februar, og 15. februar. Leiar for Sentralt ungdomsråd Andreas Svela opna møtet saman med Oslo-ordførar Fabian Stang.
Kronprins Haakon heldt ei kort helsing til delegatane og oppfordra dei til å bruke denne sjansen til å seie kva dei meiner.
Aktuelle saker
UNDP Human Development Report
Hans Kongelige Høyhet Kronprinsen var til stede under den norske lanseringen av FNs utviklingsprograms Human Development Report.
50 år med Framtiden i våre hender
Hans Kongelige Høyhet Kronprins Haakon var til stede under en rapportlansering i anledning organisasjonen Framtiden i våre henders jubileum.