Sunnmøringar kryssast ved Kings Cross
Hennar Majestet Dronninga opna torsdag kveld utstillinga Ørnulf Opdahl: Paintings and Prints i Kings Place Gallery – i eit London prega av sunnmøringar.
I samband med London Jazz Festival passar Opdahl si utstilling svært godt til musikaren Nils Petter Molværs sine konsertar ved Kings Place, på Scene Norway 2 dei neste dagane. Ved hjelp av ulike kunstnarlege uttrykk vil Opdahl og Molvær fokusere på deira felles arv frå Ålesund og dei kringliggjande øyane i havgapet på Sunnmøre.
Felles referansepunkt
Nils Petter Molvær er fødd på Sula utanfor Ålesund – ei av naboøyane til Godøya, der Ørnulf Opdahl burog arbeider.
- Opdahl malar hjørnet av øya min mykje!, seier Molvær, som har kalla plateselskapet sitt nettopp «Sula».
Enden av Sulafjellet sikarakteristisk form kan sjåast frå Opdahls stovevindauge, og er eit viktig element i mange av maleria hans.
Fleire sunnmøringar
I følgje kuratoren, Mara Helen Wood, er det også ein musikalsk og geografisk link til fleire av artistane som opptrer på Scene Norway 2 dei neste dagane:
Fiolinisten Annbjørg Lien og songaren Hilde Marie Kjersem har røtene sine i landskapet rundt Ålesund, og finn musikalsk klangbotn i Opdahls maleri og trykk. Barnebokforfattaren og sunnmøringen Maria Parr skal skal også opptre for barn og vaksne med si svært populære bok «Vaffelhjarte», laurdag 16, november.
Opdahls utstilling på Kings Place Gallery varar til 24. januar.
Aktuelle saker
UNDP Human Development Report
Hans Kongelige Høyhet Kronprinsen var til stede under den norske lanseringen av FNs utviklingsprograms Human Development Report.
50 år med Framtiden i våre hender
Hans Kongelige Høyhet Kronprins Haakon var til stede under en rapportlansering i anledning organisasjonen Framtiden i våre henders jubileum.