Møtte brannoffer i Flatanger
I dag møtte Kongeparet redningsmannskap og innbyggarar i Flatanger kommunen som vart så hardt ramma av brann denne veka.
Sterk vind gjorde sløkkinga av lyng- og skogbrannen svært vanskeleg og spreidde elden til bustadhus og andre bygningar. Ein reknar med at om lag seksti bygningar vart skadde, av dei nokså mange bustader.
I dag møtte Kongeparet menneske som hadde mista heim og næring. Hans Majestet Kong Harald gav òg uttrykk for si medkjensle og si beundring for innsatsen frå redningsmannskapa og frivillige i eit brev til ordføraren tidlegare denne veka.
Landet i Lauvsnes
Besøket starta i kommunesenteret Lauvsnes. Skole- og barnehagebarn gav Kongeparet ein hjarteleg velkomst, før møtet med dei ansvarlege for krisehandteringa og representantar for innsatsstyrkane tok til inne på Lauvsnes skole.
Kongen og Dronninga fekk ei orientering om hendingsgangen og det vanskelege sløkkingsarbeidet, før ordførar Olav Jørgen Bjørkås følgde Kongeparet vidare til områda som vart hardast ramma.
Hardast ramma
Bygdene Hasvåg og Småværet vart hardast ramma av katastrofen, og Kongeparet kunne sjølve ta skadane i augesyn frå helikopteret som frakta dei inn i området.
På Hasvåg Fritid fekk Kong Harald og Dronning Sonja møte tolv av dei som mista heimane sine i brannen. Blant dei var Åge Hasvåg, som fortalde si historie på branntomta der huset hans hadde stått.
Til slutt gjekk turen ut til Småværet, der Kongeparet fekk ei omvising på det brannskadde området og møtte familien Engbakken.
Aktuelle saker
Unge forskere
Hans Kongelige Høyhet Kronprinsen var til stede under finaleseremonien i konkurransen Unge Forskere. Konkurransen har som mål å være en arena for engasjement og interesse for forskning blant ungdom.
Åpnet utstilling om Atlanterhavet
Hans Kongelige Høyhet Kronprins Haakon var til stede under åpningen av utstillingen «Atlanterhavet – Myter, kunst, vitenskap» på Henie Onstad Kunstsenter på Høvikodden i Bærum.