Ein smak av kammermusikk
H.K.H. Kronprinsesse Mette-Marit var i salen da Risør kammermusikkfest lanserte årets festivalprogram med ein konsert på Sentralen i Oslo i kveld.
Dei kunstnarlege leiarane for festivalen Lars Anders Tomter og Henning Kraggerud, med hjelp frå fiolinist Miriam Helms Ålien, cellist Sandra Lied Haga og pianist Ole Christian Haagenrud, stod i spissen da smakebitar frå årets program vart presentert. Konserten inneheldt blant anna musikk frå festivalkomponisten i år, Giya Kancheli.
Risør kammermusikkfest vart etablert i 1991 og markerte 25-årsjubileet sitt i fjor. Kronprinsessa har vore festivalens høge beskyttar sidan 2006. Kvelden baud òg på lansering av den nye grafiske profilen til festivalen.
Maska som tema
Temaet for kammermusikkfesten i år er «maske».
– Masketemaet kjem til å gjennomsyre årets program, direkte og indirekte. Tydingane vi dreg ut av dette ordet, er mange: forkledning til forlysting eller med skumle hensikter, karneval, rollespel, det teatralske, det fordekte; alter ego, seier leiar Lars Anders Tomter til heimesida til festivalen.
Risør kammermusikkfest blir arrangert i tida 28. juni–3. juli.
Aktuelle saker
Statsbesøk fra Moldova
Moldovas president, Hennes Eksellense fr. Maia Sandu innledet mandag sitt statsbesøk til Norge. Hans Majestet Kongen og Hennes Majestet Dronningen er vertskap for besøket, og presidenten ble ønsket velkommen med en høytidelig seremoni på Slottsplassen.
Sesongåpning på Oscarshall
Hennes Majestet Dronningen var til stede da åpningen av årets publikumssesong på Oscarshall ble markert fredag kveld. Dette var også starten på en friluftsutstilling med ville dyr utformet av den italienske kunstneren Davide Rivalta.