Deltok i bibelmaraton
H.K.H. Kronprinsessa las frå salme 71 i høve 200-årsdagen til Det Norske Bibelselskap i dag. Heile Bibelen blir lesen frå perm til perm i løpet av dei fire dagane Bibelfestivalen varer.
I dag starta festivalen som markerer Bibelselskapets 200-årsjubileum. Heile Bibelen vil bli lesen høgt i løpet av Bibelfestivalen – midt i Noregs travlaste handlegate.
Frå Genesis til Johannes’ openberring
Maratonen starta klokka 9.00 i dag tidleg. Kronprinsesse Mette-Marit tok sin etappe da festivalen starta i føremiddag, ved å lese vers 1–9 frå Salme 71. Høgtlesinga vil bli avslutta med Johannes’ openberring i Domkyrkja søndag kveld klokka 19.00.
Ei rekkje markeringar
Opningsarrangementet "Bibelen – boken som formet vår kultur" blir òg halde i Oslo domkyrkje torsdag, nøyaktig 200 år etter at Det Norske Bibelselskap vart stifta i nettopp dette lokalet – den gongen under namnet Vår Frelsers Kirke.
Fram til søndag vil det òg vere ei rekkje andre markeringar av Bibelselskapets 200-årsdag, blant anna bibelquiz, "Bibelen på 200 minutt" og humorframsyninga "Bibel og babbel" på Latter.
Den første bibelomsetjinga til norsk i regi av Bibelselskapet vart utgjeven i 1904. I dag finst det omtrent 1,3 biblar per person i Noreg.
Hans Majestet Kongen er Det Norske Bibelselskaps høge beskyttar.
Aktuelle saker
UNDP Human Development Report
Hans Kongelige Høyhet Kronprinsen var til stede under den norske lanseringen av FNs utviklingsprograms Human Development Report.
50 år med Framtiden i våre hender
Hans Kongelige Høyhet Kronprins Haakon var til stede under en rapportlansering i anledning organisasjonen Framtiden i våre henders jubileum.