Barnebokfestival i Oslo
Dei neste dagane er det duka for Barnebokfestival i Oslo med over 60 programpostar for barn i alle aldrar. H.K.H. Kronprinsen opna festivalen i dag, saman med Pia og Araz frå Lakkegata skole.
Det er bokbransjen sjølv som står bak festivalen, som reknar med å trekkje meir enn 5000 barn og unge med det mangfaldige programmet sitt. Forlagsbransjen kallar norsk barne- og ungdomslitteratur sprelsk, nyskapande og mangfaldig, og meir ein 60 ulike arrangement står på festivalprogrammet.
Målet med festivalen er å gje barneboka eit løft og å vise den store breidda vi har innan sjangeren i Noreg. Dagens arrangement vart ein god start på dette.
Opna festivalen frå scenen
200 skolebarn sat alt spente i salen da Kronprins Haakon kom til kantina hos Cappelen Damm i formiddag. Forfattarane Nina Elisabeth Grøntvedt og Bjørn Ingvaldsen las frå bøkene sine. Begge er nominerte til Bokslukerprisen – ein nasjonal leselystaksjon i regi av foreininga !les der meir enn 25 000 elevar i barneskolen deltek og stemmer fram sine favorittar. To av desse elevane, Pia og Araz frå Lakkegata skole, fortalde frå scenen om korleis det hadde vore å vere med i juryen, og litt om korleis prosjektet hadde fått fleire elevar ved skolen til å lese bøker.
Så vart Kronprinsen invitert opp på scenen for å opne festivalen saman med Pia og Araz. Saman opna dei sløyfa rundt ei kjempeutgåve av festivalprogrammet, samtidig som det vart avfyrt konfettikanonar med konfetti i alskens fargar.
Dermed var festivalen opna, og det til jubel frå salen.
Aktuelle saker
50 år med Framtiden i våre hender
Hans Kongelige Høyhet Kronprins Haakon var til stede under en rapportlansering i anledning organisasjonen Framtiden i våre henders jubileum.
Utnevnelse til St. Olavs Orden
Hans Majestet Kongen har utnevnt lege, programleder og artist Trond-Viggo Torgersen, Bergen, til Kommandør av Den Kongelige Norske St. Olavs Orden.