Kronprinsessas utvalde salmer

I tillegg til å velje ut dei 11 artistane som framfører salmane, har Kronprinsessa vore tilstades under innspelingane og tatt del i utforminga av omslaget. Framsida er basert på eit kunstfotografi av Anne Katrine Dolven, som kunstnaren har stilt til disposisjon for prosjektet.

Artistane som deltar er Solveig Slettahjell, Pål Angelsgård, Maria Solheim, Lars Lillo-Stenberg, Frode Fjellheim, Marthe Rausand, Randi Lunde Mo, Ingebjørg Bratland, Rikard Wolff, Det Norske Jentekor, Kari Bremnes, Susanne Sundfør og Sondre Bratland. Tord Gustavsen har laga arrangementa. Med seg i bandet har han Mats Eilertsen og Rune Arnesen. Kronprinsessa deltar dessutan sjølv med ein bibeltekst ho las under gravferda etter far sin.

I cover-heftet til plata skildrar Kronprinsessa med eigne ord kvifor ho har valt dei enkelte salmane. Mange av dei har vore viktige i Kronprinsessas og Kongefamiliens liv i samband med bryllup og dåp, gravferd og merkedagar. Andre har betydd mykje på grunn av spesielle opplevingar og minne.

Om valet av salmen ”Gud signe vårt dyre fedreland” skriv Kronprinsessa mellom anna:

”Da jeg vokste opp, så jeg på Kong Olav som en far for oss alle. Kong Olav var på en måte Norge. Den gangen bodde jeg i Kristiansand og visste at jeg var stolt av å være norsk. Nå som jeg selv er blitt en del av kongefamilien ser jeg nok på Kong Olav som menneske og bestefar i tillegg til det symbolet han var og er. Men jeg knytter også Fedrelandssalmen til den kristne, historiske arven vår og til stoltheten over å være en del av den helheten som Norge er. Jeg retter meg i ryggen når jeg hører fedrelandssalmen. Den inspirerer meg til å være villig til å stå for og kjempe for dette som er så mye større enn meg selv, og som jeg som ett enkelt menneske er en del av.”

Overskotet av salsinntektene går til Kirkens Bymisjons arbeid.