Signinga av Kong Harald og Dronning Sonja

Det var Kongeparets felles ønske å la seg signe til gjerninga gjennom ein seremoni i Nidarosdomen. Det vart ein svært høgtideleg og minneverdig seremoni for dei begge.

Seremonien

I Nidarosdomen vart Kongeparet mottekne av biskopen i Nidaros, Finn Wagle, og biskopen i Oslo, Andreas Aarflot. Biskop Wagle helsa Kongen med orda: ”Gud bevare din inngang og din utgang fra nå av og til evig tid.”

Prosesjonen heldt fram inn i kyrkja, og Kongen og Dronninga tok plass på kroningsstolane frå 1818. Etter preika og tekstlesinga las biskopen signingsbønna, og Kong Harald steig fram.

Kongen knelte framfor høgalteret. Biskop Wagle la handa på hovudet til Kongen og sa fram bønna:

”Allmektige Gud, du har vært oss en bolig fra slekt til slekt, og ditt rike rokkes aldri. Du er Herren og for deg må hvert kne bøye seg. Vi ber, se i nåde til ham som her kneler for ditt åsyn.

Sign Kong Harald V, styrk og led ham i hans gjerning som Norges Konge. La hans tjeneste for folk og kirke bli til velsignelse. Gi vår Konge å leve sammen med sitt folk i frihet og fred, under din nåderike hånd.

Vi ber deg, gi Kong Harald å forvalte sitt høye kall med visdom og rettsinn, og hevde sannhet og rett i samsvar med din vilje og folkets lover. Hold ham oppe ved din miskunn om tunge dager kommer, og vær du selv hans kraft og glede. Det ber vi om i Jesu navn.”

Så steig Dronninga fram og knelte ved sida av Kongen. Med handa på hovudet til Dronninga sa biskopen fram denne bønna:

”All gledes Gud, vend din nåde mot Dronning Sonja. La hennes virke være til støtte for Kongens gjerning. Hjelp henne å bruke evner og krefter til glede og gagn for Norges land og folk. La velsignelse og fred fylle hennes sinn. Hold Dronningen oppe ved din mektige hånd, så hun alltid kan ha sitt håp og sin styrke i deg. Det ber vi om i Jesu navn.”

Biskopen las så bønna si over Kongen og Dronninga, og etter at kongesongen vart sungen las han velsigninga over dei:

”Vår Herre Jesu Kristi nåde, Guds kjærlighet og Den Hellige Ånds samfunn være med dere. Amen.”

Signingsferda

I samband med signinga gjennomførte Kongeparet ei ti dagar lang rundreise i Sør-Noreg. Ferda tilbake til Oslo gjekk langs kysten med Kongeskipet Norge. Året etter gjennomførte Kongefamilien ei 22 dagar lang kongeferd i dei fire nordlegaste fylka.

Skikken med å gjennomføre ei lengre reise til store delar av landet i samband med signinga går tilbake til kongane i mellomalderen, som lét seg hylle på dei ulike tinga rundt om i landet.