Avslutta sesongen for Kongeskipet

Tradisjonen tru var det oppstilling og inspeksjon av mannskapet på akterdekket. Kronprins Haakon nytta høvet til å takke alle for innsatsen på vegner av Kongeparet og Kronprinsparet. Deretter følgde inspeksjon av fartøyet.

Kongeskipet har hatt ein lang og variert sesong – og har vore synleg langs norskekysten frå nord til sør.

Første tokt gjekk til Troms og Svalbard i juni, i samband med Kongeparet si fylkestur. Kongeskipet vart òg nytta i høve utvandringsjubileet i Stavanger, som bustad for Kronprinsparet under 100-årsjubileet for Gamlehaugen i august, og sist under besøket til Dronning Sonja i Geiranger.

Kongeskipet Norge vart gjeve som ei gåve frå det norske folket til Kong Haakon VII etter ein landsomfattande innsamlingsaksjon i 1947. Skipet er eigd av Hans Majestet Kongen, men vert driven av Sjøforsvaret.

Når Kongen er om bord på Kongeskipet Norge, vaier Kongeflagget frå toppen av aktermasta.