Kongen gjekk om bord
Årets sommarsesong er offisielt i gang for mannskap og offiserar på Kongeskipet «Norge» når Hans Majestet Kongen embarkerer skipet. Dette skjedde i ettermiddag.
6. mai 2021
Kong Harald gjekk om bord saman med Den Høgvørde Kronprinsen for å inspisere at skipet er klart til å ta i bruk.
Tradisjonen med kongeleg embarkering går tilbake til 1948, da Kong Haakon VII fikk «Norge» i gåve frå det norske folket. Høvet var 75-årsdagen til Kongen og ønsket om å takke for Kong Haakons innsats i kampen mot den tyske okkupasjonsmakta.
Kongen og Kronprinsen vart mottekne av skipssjefen, kommandørkaptein Geir Vidar Thorkildsen, da dei gjekk om bord frå Filipstadkaia i Oslo hamn.
Dei siste vekene har det vore utført eit hektisk arbeid om bord for å gjere Kongeskipet klart for årets sesong. Tauverk er skifta ut, dørken er svabra, det er måla, flikka og pussa for at skipet skal vise seg frå si beste side. Sjølv maskinrommet skin når skipet skal inspiserast.
På grunn av den pågåande pandemien er ikkje seglingsprogrammet for i år klart, men Kongeskipet vil bli å sjå seglande langs norskekysten i løpet av sommarhalvåret.
Embarkering 2021
Kongeskipet
Fakta om Kongeskipet
- Lengde: 80,2 meter
- Bredde: 11,6 meter
- Dybde: 4,7 meter
- Bruttotonnasje: 1628 tonn
- Maksimumsfart: 16 knop
- Marsjfart: 14 knop
- Rekkevidde: 6500 nautiske mil
- Hjemmehavn: Oslo
- Kallesignal: LAMA
- Klasse: 1A1 Yacht
- Maskineri: To Bergen Diesel, 1760 hk hver
- Bygget av Camper & Nicholsons Ltd., Gosport, England i 1937
- Innredning: Arkitekt Finn Nilsson
Kongeskipet Norge rundt
Kongeskipet Norge er ett av verdens to gjenværende kongeskip etter at det britiske kongeskipet Britannia ble tatt ut av drift i 1997. Det andre er det danske kongeskipet, Dannebrog. K/S Norge er en populær gjest langs kysten i sommerhalvåret.
Viser 8 av 47