Medaljemottaking på Slottet
Det er tradisjon å invitere mottakarar av Kongens fortenestmedalje til Slottet, men i to år gjorde pandemien det umogleg å gjennomføre arrangementet. I dag kunne Kongeparet igjen invitere til medaljemottaking.
5. april 2022
Dei 39 medaljemottakarane og følgjet deira vart først tekne med på ei lita omvising i nokre av dei finaste romma i Slottet, før dei vart ønskte velkommen av Hans Majestet Kongen og Hennar Majestet Dronninga i Lille festsal.
Kongens fortenestmedalje vart stifta av Kong Haakon VII 1. februar 1908. Han blir delt ut for innsats av særleg samfunnsgagnleg natur på område som kunst, kultur, vitskap, næringsliv og sosialt og humanitært arbeid.
Da alle var ønskte velkommen, gjekk Kongeparet og gjestene til bords i Store festsal, der det var servering, talar og musikalske innslag.
Kongens fortjenstmedalje
