Markering av den norske innsatsen i Special Olympics 2023
Kultur- og likestillingsminister Lubna Jaffery inviterer til mottaking for å markere den norske innsatsen i Special Olympics World Games 2023 i Berlin. Den Høgvørde Kronprinsen og Den Høgvørde Kronprinsessa vil også vere til stades.
Pressemelding frå Kultur- og likestillingsdepartementet:
TID: Onsdag 22. november 2023 kl. 17:30-19:00
STAD: Regjeringa sitt representasjonsanlegg i Parkveien 45. Inngang via Riddervoldsgate 2.
PÅMELDING: Vi ber alle frå presse om å melde seg på med namn og telefonnummer til [email protected] innan 22. november kl. 14:00.
Vi ber presse komme mellom kl. 16:45-17:15 for registrering og tryggingssjekk. Hugs pressekort og gyldig ID (pass, nasjonalt ID-kort eller fysisk førarkort).
Kultur- og likestillingsministeren vil vere tilgjengeleg for intervju.
Program
17:30: Gjestane kjem. Kultur- og likestillingsministeren tek i mot gjestane på toppen av trappa.
18:00: Korte helsingar frå kultur- og likestillingsministeren og idrettspresidenten.
18:15: Servering og mingling.
18:45: Kunstnarisk innslag (Carl-Henrik Nilsen - song/flygel).
19:00: Avslutning.