Noreg er Havet
I dag var H.M. Kongen til stades da Norsk Maritimt Museum opna jubileumsutstillinga si «Norge er Havet». Museet går nye vegar og tilbyr stor grad av interaktivitet og deltaking i den nye utstillinga si.
I dag blir 90 prosent av varene i verda frakta over havet. Denne utstillinga handlar om norsk skipsfart og maritim verksemd i nyare tid og inviterer til diskusjon om framtida.
Nye vegar
Museet går nye vegar med utstillinga, som markerer 100-årsjubileet deira. Maritim kompetanse og samtid blir spegla på ein heilt ny måte gjennom denne utstillinga, som breier seg over fem hundre kvadratmeter.
Nysgjerrige blir bydd på mange sjansar til å delta og prøve ferdigheitene sine gjennom spel og simulator. Ved hjelp av programvare utvikla av Kongsberg Maritime og DNV GL får publikum ein smak på korleis simulatorteknologi blir brukt i moderne opplæring.
Oppgåver og opplevingar
På «Sjøens motorveg» kan ein konkurrere om å vere den dyktigaste skipsreiaren og sjå kven som klarer å transportere bilar og råvarer over verdshava – mest mogleg økonomisk og miljøvennleg. Eller ta vanskelege avgjerder i møte med piratar og stormar.
I «Det elektriske akvariet» kan ein få ei heilt spesiell undervassreise i selskap med sjøanemonar og fiskestimar.
Opningshelg
Opninga av «Norge er Havet» blir markert på Norsk Maritimt Museum heile helga. Laurdag får ein sjansen til å ta skipsførarbeviset i eit basseng med radiostyrte båtar og eller ta ein tur i teikneverkstaden.
Søndag held Barnas båtverkstad ope mellom 12.00 og 15.00.
Aktuelle saker
UNDP Human Development Report
Hans Kongelige Høyhet Kronprinsen var til stede under den norske lanseringen av FNs utviklingsprograms Human Development Report.
50 år med Framtiden i våre hender
Hans Kongelige Høyhet Kronprins Haakon var til stede under en rapportlansering i anledning organisasjonen Framtiden i våre henders jubileum.