Festkonsert på Oscarshall

17. mai-komiteens festkonsert i Oslo har lang tradisjon og blir normalt arrangert for eit stort publikum ved Karpedammen på Akershus festning. På grunn av pandemien var det ikkje mogleg å gjennomføre konserten på vanleg vis i år, så Kongeparet stilte Oscarshall til rådvelde for ei innspeling.

Festkonsert på Oscarshall. Foto: Oslo kommune

Formålet med festkonserten er å løfte fram talentfull ungdom og leggje til rette for samarbeid mellom unge og vaksne – mellom profesjonelle og amatørar. Det er ein viktig arena for Oslos unge talent innanfor musikk, dans, teater og song der dei får opptre saman med profesjonelle. «Dagen før dagen» på Oscarshall var første gong på lang tid dei unge talenta kunne møtast for å spele og underhalde.

Kongen og Dronningen var vertskap for minikonserten på Oscarshall. Foto: Torstein Bøe / NTB

Tre elevar frå Edvard Munch videregående skole, Foss videregående skole og Oslo kulturskole spelte saman med profesjonelle musikarar frå instrumentaltrioen «Blåsemafian». 

 Millie Schumann på trompet, Børge Rekstad på horn og Sol Loennecken på trombone spelte saman med «mafians» Stig Espen Hundsnes (trompet), Jørgen Lund Karlsen (saksofon) og Sigurd Evensen (trombone). Foto: Torstein Bøe / NTB

Dramaelevane Elene Kristina Blystad og Idunn Sofie Thorsdottir frå Hartvig Nissen skole batt det heile saman som konferansierar