Mesh 10 år
Den Høgvørde Kronprins Haakon har følgt Mesh gjennom ei årrekkje. Måndag kveld var han til stades da selskapet markerte 10-årsjubileet sitt.
Sidan starten i 2012 har Mesh tilbode lokale, verktøy, nettverk og møteplassar for gründerar og innovatørar sentralt i Oslo. Dei arrangerer event og hjelper oppstartsbedrifter å rekruttere talenta dei treng for å vekse.
Kronprins Haakon har følgt Mesh gjennom mange år og var til stades under markeringa av 10-årsjubileet. Foto: Sven Gj. Gjeruldsen, Det kongelege hoffet
I dag har Mesh meir enn 3800 medlemmer og over 100 000 brukarar kvart år. Dei opererer i Oslo, Trondheim og København og har vorte eit av dei største startup-nettverka i Norden. Dette vart feira under 10-årsmarkeringa på Youngstorget måndag.
Hall of Fame
Høgdepunktet i programmet var etableringa av ein egen Mesh Hall of Fame. Ein for ein vart 17 personar som har vore viktige for Mesh og startup-miljøet gjennom desse ti åra, kalla opp på scenen, presenterte for publikum og tildelte pris for rolla si.
Kronprins Haakon vart innlemma i Mesh Hall of Fame for innsatsen sin for innovasjon og gründerverksemd gjennom mange år. Foto: Sven Gj. Gjeruldsen, Det kongelege hoffet
Til slutt bad Mesh-leiar og grunnleggjar Anders Mjåset Kronprins Haakon komme opp på scenen. Der vart Kronprinsen heidra med ein plass i Mesh Hall of Fame for den mangeårige innsatsen sin for innovasjon og gründerverksemd.
Aktuelle saker
UNDP Human Development Report
Hans Kongelige Høyhet Kronprinsen var til stede under den norske lanseringen av FNs utviklingsprograms Human Development Report.
50 år med Framtiden i våre hender
Hans Kongelige Høyhet Kronprins Haakon var til stede under en rapportlansering i anledning organisasjonen Framtiden i våre henders jubileum.