Heidra for den norske innsatsen under Special Olympics

Dei norske utøvarane gjorde ein imponerande innsats i Tyskland og kom heim med heile 51 medaljar – 16 gull, 22 sølv og 13 bronsemedaljar.

Kronprinsparet, kultur- og likestillingsminister Lubna Jaffery (t.h.) og idrettspresident Zaineb Al-Samarai (t.v.) saman med dei norske utøvarane frå Special Olympics i Berlin i sommar. Foto: Liv Anette Luane, Det kongelege hoffet

På vegner av regjeringa inviterte kultur- og likestillingsminister Lubna Jaffery til ei mottaking i regjeringa sitt representasjonsanlegg i Oslo for å markere den norske innsatsen i Special Olympics World Games i Berlin.

Kring 40 utøvarar deltok i markeringa i går kveld. Kultur- og likestillingsministeren var full av lovord om dei norske utøvarane og heldt ei helsing saman med idrettspresident Zaineb Al-Samarai.

Kronprinsparet var til stades for å markere den norske innsatsen under Special Olympics. Foto: Liv Anette Luane, Det kongelege hoffet

Kronprinsparet fekk høve til å snakke med utøvarane og høyre om deira opplevingar frå Tyskland. Noreg var representert i handball, turn, rytmisk gymnastikk, bowling, riding, friidrett, judo, symjing, golf og badminton.

Kronprinsparet og idrettspresidenten fekk høve til å snakke med utøvarane om eigen innsats og opplevingane frå i sommar. Foto: Liv Anette Luane, Det kongelege hoffet